წერილი მას, ვისთან შეხვედრასაც ვისურვებდი

ტურ
კონ-ტიკით რომ გადაცურე ოკეანე,8000 კილომეტრი, სულ არ გეშინოდა? აი საერთოდ? სულსულ?
მე შემეშინდებოდა, კაკ მინიმუმ იმისა, ზვიგენებს თუ დავინახავდი ახლომახლოში.



აღდგომის კუნძულზე ის კაცი როგორ აიძულე, ეჩვენებინა როგორ "დაყავდათ" ქანდაკებები?


ძალიან მშურს შენი ტაიტური ცხოვრების, ფატუ-ჰივური ცხოვრების კიდევ უფრო მეტად, რამაგარია, იცხოვრო ჯუნგლებში ცივილიზაციის ყველანაირი მიღწევების გარეშე, ჭამო ის, რაც ხეებზე ასხია, იძინო ბამბუკის ქოხში, უძველესი თავის ქალები შეაგროვო და ისტორიები მოისმინო, გადაცურო ერთი კუნძულიდან მეორეზე თვითნაკეთი ნავით და სრულიად შემთხვევით წააწყდე გოგენის მიერ ამოჩუქურთმებულ კონდახს.
მე ვერ ვარ შენნაირი გამბედავი თორემ მეც მოვნახავდი რამე გზას, მსგავსი ქმედებების ჩასადენად.

ნორვეგიელი ტურ ჰეირდალი. მკვლევარი, ეთნოგრაფი, მოგზაური.

http://en.wikipedia.org/wiki/Thor_Heyerdahl

ტურ ჰეირდალი ანუ დაბრუნება ბუნებასთან

კონ-ტიკის გემბანზე, საკვებად დაჭერილი რომელიღაც თევზით

ისინი ცხოვრობდნენ ბამბუკის რტოებისგან გაკეთებულ ქოხში, რომელიც ბანანის ფოთლებით იყო დახურული, ჭამდნენ მხოლოდ იმას, რაც ტყეში და მდინარეში მოიპოვებოდა, ტანთ მცენარეებისგან გაკეთებული "ტანსაცმელი" ეცვათ და იმავე მდინარეში ბანაობდნენ, საიდანაც სასმელ წყალს იღებდნენ.

ტურ ჰეირდალი ნორვეგიაში, ლარვიკში დაიბადა და პირველი ექსპედიცია 24 წლის ასაკში განახორციელა ცოლთან ერთად, როცა პოლინეზიაში წავიდა, რათა ველურების მსგავსად ეცხოვრა, ცივილიზაციის ყველა "სიკეთის" გარეშე და იქაური ფლორა-ფაუნის წარმოშობა გამოერკვია (საიდან მოხვდნენ იმ მიყრუებულ კუნძულებზე მცენარეები, ცხოველები და ბოლო-ბოლო ადამიანი).

თავდაპირველად ის ტაიტის "გამგებელმა"- ტერიიერომ იშვილა,რომელსაც უამრავი ცოლი და შვილები ყავდა, ტაიტური სახელები მიცა, ასწავლა, როგორ ეცხოვრათ ველურ პირობებში, როგორ მოედუღებინათ ფორთოხლის ხის ფოთლებისგან ჩაი, გამოეცხოთ პურის ხის ნაყოფი, გააცნო ყველაზე გემრიელი ბანანი- ფეი (რომელიც ახლა ალბათ აღარც არსებობს) და მხოლოდ ამის შემდეგ გადაბარგდნენ მარკიზის კუნძულების კუნძულ ფატუ-ჰივაზე, სადაც კუნძულის პრინცესას კუთვნილი ხეობა "იქირავეს".

ფატუ-ჰივა

შემდეგ იყო კონ-ტიკი, გალაპაგოსები, აღდგომის კუნძულის გრძელყურიანი ადამიანები...

ტურ ჰეირდალის "ფატუ-ჰივა" 9 წლის ასაკში წავიკითხე, მერე კიდევ ბევრჯერ გადავიკითხე და დღემდე ვიზიარებ მის "ფილოსოფიას", რომ მუსიკა მხოლოდ იმიტომ გვჭირდება, რომ ბუნებასთან კავშირი დავკარგეთ, ბუნებრივი მუსიკის ხმები აღარ გვესმის და სუროგატებს ვეძებთ.

და იმისათვის, რომ ბუნებამ "მიგვიღოს", მას პატივი უნდა ვცეთ და მისი დამანგრეველი ძალის გვეშინოდეს, აგდებულად არ მოვექცეთ, წინააღმდეგ შემთხვევაში აუცილებლად ვიწვნევთ მის შურისძიებას.

ტურ ჰეირდალი 2002 წელს გარდაიცვალა.

Urquhart Castle, Scotland

შოტლანდიაში, ლოხნესის ტბის ჩრდილოეთ სანაპიროზე დგას. ითვლება რომ ციხესიმაგრე დურვორდების (Durward) ოჯახმა ააშენა, რომელსაც 1200-იან წლებში ეკუთვნოდა ეს ტერიტორია.მას შემდეგ მრავალი ბრძოლა გამოიარა. ციხე ინგლისის შემადგენლობაში გადავიდა ედურად პირველის თავდასხმის შემდეგ, შემდეგ ისევ დაიბრუნეს და ისევ დაკარგეს შოტლანდიელებმა.. ეს ციხესიმაგრე მნიშვნელოვან როლს თამაშობდა შოტლანდიის თავისუფლებისათვის ბრძოლაში. მას შემდეგ, რაც მეფე არტური შოტლანდიის მეფე გახდა, ციხეც შოტლანდიის მფლობელობაში გადავიდა.

მე-15 მე-16-ე საუკუნეებში ციხეს ხშჳრად ესხმოდნენ თავს ისლანდიელი ლორდი მაკდონალდები.

დღეს ღიაა დამთვალიერებლებისათვის.

მთავარი ჭიშკარი ტბის საპირისპირო მხარესაა, ხოლო სათადარიგო, გაცილებით პატარა, ტბის მხარეს. ციხე წყლის დონესთან საკმაოდ ახლოსაა, სამაგიეროდ ხმელეთის მხარეს მშრალი თხრილია გათხრილი და მთავარი ჭიშკრიდან ასაწევი ხიდი ეშვება და თხრილის შიგნით საკმარისი სივრცე რჩება მტრის მოსაგერიებლად.

შემორჩენილი ნაგებობები ძირითადად ციხის ჩრდილო-აღმოსავლეთ ნაწილშია, რომელის ცაკმაოდ ახლოა ზღვის დონესთან. ჩრდილოეთი მხარე შემოსაზღვრულია მთავარი, ხუთსართულიანი კოშკით და გალავანით.სამხრეთ-დასავლეთი ნაწილი მე-18 საუკუნეში, შტორმის დროს დაინგრა,თუმცა შემორჩენილ ნაგებობებში შესვლა ხვეული კიბით შეიძლება რომელიც ციხის ერთ-ერთ კუთხეშია ჩაშენებული.

ციხის მაღალი სართულებიც დანგრეულია და ნანგრევებში კარგად ჩანს კონსტრუქციის დამჭერი ხის კოჭები. შემორჩენილია სამზარეულო, სხვადასხვა საკუჭნაო ნაგებობები, სამლოცველო, უმეტესწილად დაზიანებული.

სამხრეთით, პატარა გორაკზე, ასე 5 მეტრის სიმაღლის, კიდევ იყო ნაგებობები რომელიც ახლა მიწასთანაა გასწორებული.

პ.ს. კი, ვიცი, საშინელი თარგმანია, უბრალოდ ჩემთვის მინდოდა შემომენახა ინფო და ერთი გადარბენით იმასვქენი, ასერომ ძალიანაც ნუ დააკვირდებით ხარისხს.