ორდღიანი ლაშქრობა - რა წავიღოთ?

საბაზისო მონაცემები- გვაქვს ჩანთა, პარალონი, სპალნიკი, ბანძი საწვიმარი და ერთი ცალი მეტრანახევრიანი გოგო, 50 კილო, ანუ ბევრს რომ ვერ მოიკიდებს ზურგზე, ისეთი.

• ვიღებთ ერთ დიდ ჩანთას, ანუ რუგზაკს
• დიდ შავ ნაგვის პარკს, ვტენით ჩანთაში და შიგ ვალაგებთ ყველაფერ დანარჩენს

ტანსაცმელი (ცალკე პარკით)

• ტრუსიკი, ადამიანური (ტანგა არ წაიღოთ არ მიქაროთ)
• 4 წყვილი ნასკი (წიკი თუ არ გაქვთ სუფთნასკური, ორიც შეიძლება)
• ორი მაისური (ერთი ღამე დასაძინებლ-იმდღესვე გამოსაცვლელად და მეორე დღეს კიდევ მეორეს ვიცმევთ)
• ჟაკეტი კაპიუშონით, სასარგებლო რამეა , შეიყუჟები შენთვის და ხარ.
  
• შარვალი, ნაჭრის, იოლადგაშრობადი და მოხერხებული, არაფართხუნა
• პანამა
  
• შარფი, მსუბუქი, დიდი ზომის (გამოდგება წელზე-თავზე-ტრაკზე მოსახვევად, ასევე იქ დასაფენად სადაც თავს დადებთ)
• სათადარიგო ფეხსაცმელი
• საწვიმარი

პირადი ჰიგიენა (ყველაფერი თავსდება ცალ-ცალკე პარკებში )

• კბილისპასტა ჩოთქით
• პაწუკა საპონი
• პაწუკა პირსახოცი
• სველი ხელსახოცი, სასურველია მაკიაჟის მოსაშორებელი ან ინტიმური ჰიგიენის ეწეროს, ეგენი ყველაზე კომფორტულებია)
• დამცავი კრემი
• ტუჩის ბალზამი
• სავარცხელი
• ნუ კიდევ ისინი, თქვენ რაც გინდათ
  

საჭმელი

• 1 პური
• 4 სნიკერსი
• 300 გრ ქიშმიში
• პაშტეტი
• ყველი დაჭრილი ან მდნარი
  
• ლორი დაჭრილი
• ყავა, ერთჯერადებით

წამლები

• ნიმესილი 3-ოდე (სიცხე-ტკივილი-გაციება)
• კოფეინის ტაბლეტები (სიმაღლეზე თუ ჩემსავით მიგდით წნევა მინუსებში)
• სპირტი-ბამბა
• სანტავიკები
  

წვრილმანები

• ერთჯერადი პარკების არმია
• მუსიკა
• მობილა
• ფოტოაპარატი
• პირადობის მოწმობა
• ფულები
• კოვზი და ჭიქა არ დაგავიწყდეთ, თეფშის და ჩანგლის გარეშე კიდევ გაძლებს კაცი მარა ჭიქა ძალიან კარგი რამეა, აი სვეარ
  

ჩანთაში მემგონი ჯერ მძიმე უნდა ჩადო, მერე მსუბუქები, თუმცა მე პირიქით ვიქცევი ხოლმე გაუგებარი მიზეზების გამო. მოვაკოფსებთ თავზე ან ბოლოზე პარალონს, მივამაგრებთ ბოთლს, მოვიკიდებთ და ჰერი-ჰერი.

სასარგებლო პწიჩკები

• ვცდილობთ ჩანთის გვერდით ჯიბეში ჩავდოთ ნოვა, სველი ხელსახოცი, სასუსნავი.
• ჩანთის ზედა ნაწილში რომ ჯიბეა- ფული და ყველა ის წვრილი ნივთი, (წიპა ემპეტრი და დანა) რაც შეიძლება უცებ დაგვჭირდეს
• სულზემოთ, ისე, რომ უცებ ამოვიღოთ-საწვიმარი და თბილი ჟაკეტი.
• დაბოლოს, სადმე ყველაზე ხელმისაწვდომ ადგილას -სნიკერსი.
  

არადა აქ კი ჩამოვწერე მარა საქმე საქმეზე რომ მიდგება, ისტერიულად ვიწყებ ფიქრს, რა წავიღო, და ბოლოს მიმაქვს ყველაფერი იმის გარდა რაც უნდა წავიღო, ერთხელ ფეხსაცმელიც კი დავტოვე ( :/

მუზა იყო ჩორვენის ეს პოსტი, მე ჩემს თავს მოვარგე :D

გალიაში, ბორბალზე

სავარძელში, ტელევიზორის წინ ძილი იმის გარანტიაა, რომ უეჭველად თავის/კისრის ტკივილით გაიღვიძებთ, გაღვიძებას შეიძლება ახლდეს თან შეგრძნება იმისა, რომ "noone cares about me: და ხანდახან ეს ძალიან მართალია, იმიტომ რომ ჯერ თავო და თავოო, მერე ისაო და ესაო, უთქამთ ძველებს და მიუხედავად იმისა, რომ ძველები მაინცადამაინც არ მევასებიან, ხანდახან სიმართლესაც იძახიან ხოლმე.

ჩვენს მშობლებს ჩვენს ასაკში ყველაფერი ქონდათ, რაც უნდოდათ, ის ყბადაღებული მოსკოვში ფრენაც, ბინის ქონა თუ არა, მომავალში მიღების იმედი, სამსახურები, იაფი საჭმელი, უზარმაზარი ქვეყანა, სამოგზაუროდ და, რაც მთავარია, სტაბილურობის შეგრძნება.

ჩვენ რა გვაქვს? ჩაკეტილი საზღვრები, თავისულების ილუზია (რა ჯანდაბად მინდა თავისუფლება, თუ გალიას ვერ გავცილებივარ), ბინის იპოთეკური ვალები, რომელიც წლობით, ზურგით უნდა ზიდო, ზრდადი ფასები, დანევროზებული მშობლები და მსოფლიო.

და ამ ყველაფრის ფონზე, ჩვენი მშობლების თაობა ხელებს შლის გაკვირვებით და მწუხარებით, რომ დაავადებები გაახალგაზრდავდა.

კი, საზღვარგარეთ წასვლა შესაძლებელია, მაგრამ.... ძალიან მძაფრად დამამახსოვრდა, რომში, იაფიან მოტელებთან ნანახი ზურგჩანთიანი ახალგაზრდების ჯგუფები, გარუჯულები, თავისუფლები, ბედნიერები, ხმაურიანები... ჩვენ არასოდეს შეგვიშვებენ ევროპაში ზურგჩანთებით და ჯიბეში ასი ევროთი, ყოველშემთხვევაში, სანამ მე ახალგაზრდა ვარ და მინდა ცხოვრება მიყვარდეს.