მეორე კატეგორიის აზრები.
ძილისწინ გაფიქრებული ფიქრები
სიბნელეში ადვილია
საკუთარი თავისთვის თვალის გასწორება
სიბნელეში ხომ არაფერი არ ჩანს.
მე ვარ მზე
მზის დაბნელების ჟამს.
სხეულიდან ამოგლეჯილი ნერვები
და სისხლძარღვები
სურვილებთან გადაწნული კიდია სარკეზე
და ყოველი თვალის შევლებისას
ქირქილით მახსენებენ
თაგვისფერი თმების პატრონი რომ ვარ.
მე ვარ კატა
რომელსაც წყალი უყვარდა...
ბევრი ემოცია უნდა მოვაგროვო,
ცხრა სიცოცხლის მოგონებულ ნივთებს რომ ეყოს.
(c) პერწკლი
No comments:
Post a Comment