ბრუნავს დედამიწა და კოცონის გარშემო
ვარსკვლავების ანარეკლი ირეკლება ნაპერწკლებად.
მე ისე მჯეროდა რომ დედამიწა ცისფერია
დავეშვი ზედ და
ჯერაც არ დამიჯერებია რომ
ფეხსაცმელი ტალახით მაქვს დასვრილი.
ტალახი არ შეიძლება იყოს სუფთა.
ყოველდღე, სახლიდან რომ გამოვალ, ცაში ვიყურები
იქნებ გაახსენდეს ვინმეს იქ
რომ მე ცისფერ პლანეტაზე გავიქეცი
და სახლში დამაბრუნონ.
იქნებ...
(c) პერწკლი
No comments:
Post a Comment