მერე?
მერე არაფერი.
მერესი მერემ იდარდოს.
ყაყაჩოები მიყვარს
ხელისგულებზე ამოსულები
თბილ ბუდეში თავშეფარულები და
შეშინებულები
აბუზული ბეღურებივით
სიცივეს რომ არ ეპუებიან და
რტოები რომ კანკალებს
პაწაწინა ფეხებს ჩაბღაუჭებული.
გარინდული მოლოდინი მიყვარს,
სხეული, აკრუტუნებული,
გაზმორებული
და
დარიჩინის და გამდნარი შოკოლადის სურნელი
მთელ სხეულში.
უნებური ბგერები და
ემოციასაყოლილი მოძრაობები
მერე?
მერესი მერემ იდარდოს...
No comments:
Post a Comment